চ'ত মাহতে -হিৰণ্যময়ী বৰুৱা

চ'ততে চকৰি বহাগত বাবৰি
জেঠতে আমনা ধান
কৈয়ে থাকোতে ওৰকে নপৰে
বহাগৰ বিহুৰে কথা।
নাচনি ঐ বৰদৈচিলা।

মাকৰ ঘৰলৈ যায় বৰদৈচিলা।
গছপাত উৰুৱাই
ঘৰ-দুৱাৰ উৰুৱাই।

চোতালতে থ'ম কাকৈ ফণীখনি
পীৰাত বহিবা তুমি
সেন্দুৰৰ টেমাটো
তাতে খুলি থ’ম
সেন্দুৰ বোলাই লʼবা
কপালত তুমি।
ধূলি উৰুৱাই নিনিবা তুমি
আঁচল পাতি কৰো কাকুতি।
ডালিম আনি দিম
মন ভৰাই খাবা
অ,মোৰ মৰমৰ সখী।
আইলৈ বুলি তামোল পান দিম
তোমালৈ দিম পাটকাপোৰ গামোচা।
মাধৈ মালতীয়ে সখীয়তীৰ সৈতে

কথা পাতে হাঁহি হাঁহি

চ'ততে ঘূৰে চকৰি।

✍️হিৰণ্যময়ী বৰুৱা

Post a Comment

Previous Post Next Post