তাই সপোনটোক গোপনে পোহপাল দিছিল । সপোনটোক প্রাণ দিয়াৰ স্বাৰ্থতে তাই সাহসী আৰু সংগ্ৰামী হৈ উঠিছিল । একমাত্র সপোনটোক পোহপাল দিয়াই নহয়, তাই লখিমী কন্যাৰো সাজ পিন্ধিছিল ।এফালে সপোন আৰু আনফালে লখিমী কন্যা। দুয়োটাকে একেসময়েতে চম্ভালিবলৈ তাইৰ অপৰিসীম কষ্ট হৈছিল । সপোনটিয়ে পূৰ্ণতা পালে তাইক নিজৰ পৰিচয় এটি দিব বুলি ভাবিয়েই সততাৰ অলংকাৰ পিন্ধি সাধনা কৰিছিল ।কিন্তু তাই লখিমী কন্যাৰ সাজযোৰ পৰিধান কৰাতহে সাৰ্থক হ'ল আৰু সপোনটিৰ পাতবোৰ ৰ'দত লেৰেলি গ'ল ।
সময়ৰ আহ্বানক স্বাগতম জনাই তাই আজি সপোনটো ভৰিৰে মোহাৰি পেলালে । দুটি ওঁঠত হাঁহিটি পিন্ধি লৈ লখিমী কন্যাৰ সাজযোৰ সলনি কৰি লখিমী বোৱাৰীৰ সাজযোৰ গাতেই মেৰিয়াই ল'লে । দপদপকৈ জ্বলা হোমৰ জুইকুৰাতে সপোনটি জ্বলি গ'ল ।
✍️ সবিতা দাস
মিৰ্জা,কামৰূপ
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ