আগবাঢ়ি যাবলৈ ধৰা বাটৰুৱাৰ
আছে জানো সময় ?
পিছলৈ উভতি চাবৰ !
নীৰৱে এটি লক্ষ্য বুকুত লৈ
সি আগুৱাই যাব বিচাৰে
হাজাৰ বাধা নেওচি ,
সুখৰ সংজ্ঞা বিচাৰি ।
তুমি নালাগে হ'ব সেই বাটৰুৱা
মাথোঁ এবাৰটো আগুৱাবলৈ চেষ্টা কৰা ,
দুখেৰে আৱৰা এই স্মৃতি পাহৰিব নোৱাৰিলেও
স্মৃতিবোৰ লৈয়েই আগুৱাই যোৱা ।
মাথোঁ থমকি নৰ'বা
তুমি উভতিও নাচাবা ,
এদিন তোমাৰ পুৰণি স্মৃতিবোৰ
নতুন স্মৃতিৰ সোণোৱালী পথাৰত হেৰাই যোৱা দেখিবা ।
🔴চিন্ময় বৰা।
বিশ্বনাথ চাৰিআলি।
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ