ফাগুনৰ বতৰা লৈ লৃগাং আহি আছে-নৱজিৎ নাথ

ফাগুন ৰ বতৰা লৈ লৃগাং আহি আছে, 
চাংঘৰৰ একোণত হেঁপাহ পলুৱাবলৈ ,  
প; আপিন আৰু পুৰাং আপিনৰ 
সোৱাদ ল'বলৈ লৃগাং আহি আছে..।।     

ফাগুন ৰ সৰাপাতৰ বিননিত, 
দঞি পল ছে-দি-মে-ল, 
কাছিং কাৰ্তাৰ আশীষ আনন্দ মাজত, 
কৃষকৰ আশাৰ সোনগুটি সিচাঁৰ 
সোণাৱলী ক্ষনত লৃগাং আহি আছে...।।               

ফাগুনৰ প্ৰথম বৰষুণ জাকৰ অপেক্ষা অন্তত, 
মিছিং ডেকা- গাভৰুৰ 
নাচোনৰ তালত আৰু 
ঐনিতম সুৰৰ ধ্বনি ত মাজত  
লৃগাং আহি আছে....।।      

ফাগুনৰ পলাশ, শিমলু আৰু 
মদাৰ ৰ অভিমানৰ মাজত, 
ৰঙলী ৰ মিবুগালুক গান আৰু 
গুমৰাগ নৃত্যৰ  আনন্দ 
যোগাবলৈ লৃগাং আহি আছে......।।

Post a Comment

Previous Post Next Post