বিভীষিকা- বিশ্বজিৎ সূত

চাৰিওফালে হাহাকাৰ

গুলি-বাৰুদৰ শব্দ, 

জুইৰ লেলিহান শিখাই

আৱৰি ধৰিছে । 

সিহঁতে কেতিয়াও নুবুজে , 

দয়া নাই , মমতা নাই , 

ক'লা ধোৱাই ছানি ধৰিছে

বহুতে আঘাট পাইছে

বহুতৰ মৃত্যু হৈছে , 

তথাপিও সিহঁতে নুবুজে

জীৱনৰ অৰ্থ । 

নুবুজে সিহঁতে ফাগুনৰ উন্মাদনা , 

নুবুজে আবিৰৰ ৰং , 

চাৰিওফালে কেৱল যুদ্ধৰ বিভীষিকা । 

কঠিন শিলৰ দৰে

হৃদয়ৰ দুৱাৰখন

কেতিয়া খোল খাব ? 

সময়ে সকলো কাঢ়ি নিলে

ভাঙি গ'ল ভৱিষ্যতৰ সপোনবোৰ , 

বন্দীত্ব জীৱনৰ কথা ভাবি

বিষাদৰ মৌনতাই বাট চাই ৰয়

সেই হেৰুৱা দিনৰ সুবাস বিচাৰি ।।

✍️ বিশ্বজিৎ সূত

 বালিজান, চতিয়া, বিশ্বনাথ