ফাগুনৰ বতৰ | এছ ইছলাম

ফাগুনৰ বতৰত
বসন্তৰ আগমন 
কুলিৰ সুৱদি মাতে
কাঢ়ি লয় আমাৰ মন।

সৰাপাতৰ মৰ-মৰণি
বা-মাৰুলিৰ দপদপনি 
উৰে বতাহত কহুঁৱা ফুল 
নদ-নদীৰ দুয়ো কূল।

শিমলু জোপাৰ তলত 
মদাৰ ফুলৰ গোন্ধত 
শেৱালিৰ সুবাসত
মন মোৰ হৰষিত ।

বৰদৈচিলাৰ খৰ গতি
ঘৰ-দুৱাৰ ভাঙি কৰে ক্ষতি
আইতাৰ বোলে মহাজ্বৰ
সেয়ে গতি খৰধৰ।

এজাক বৰষুণ পৰিলে
ধৰণীৰ সজীৱতা মিলে
গছে গছে কুঁহিপাত 
চৰাই-চিৰিকটিৰ শুৱলা মাত।

Post a Comment

Previous Post Next Post