উৰুখা পঁজাটিয়ে মোৰ
অঘৰী পথৰ এটি ঠিকনা।।
এই পঁজাটিত বিচাৰি পাও ,
জীৱনৰ সোণোৱালী দিন বোৰ।।
মাদকতাৰে ভৰা সপোনবোৰ ,
মনত ভাহি আহা শৈশৱৰ ধূলি-বালি ,
নৈৰ লগত খেলা সোণোৱালী
দিন বোৰ ....................।।
উৰুখা পঁজাৰ মাজত দেখা পাও ,
প্ৰকৃতিৰ শ্যামলা সৌন্দৰ্যৰ আভাবোৰ ।
অস্তগামি সুৰুযৰ হেঙুলীয়া
ৰহণ সনা মনোৰম দৃশ্যবোৰ..।।
উৰুখা পঁজাৰ মাজত শুনা পাও ,
জান-জুৰি , নৈ-নিজৰাৰ মাজেৰে যোৱা
জিৰি-জিৰি শব্দ বোৰ ।।
দূৰৰ পথাৰত ভাহি অহা
ৰিণিকি ৰিণিকি বাঁহীৰ
অমিয়া ৰাগবোৰ............।।
উৰুখা পঁজাৰ মাজতে
অনুভৱ কৰোঁ বেলিৰ কিৰণৰ উত্তাপবোৰ ।
ৰিবৰিবকৈ বলা মৃদু বতাহ
আৰু শীত কালৰ আবেলি
অনুভৱৰ সময় বোৰ....।।
উৰুখা পঁজাৰ মাজত দেখা
পাও সময়ৰ পৰিৱৰ্তনবোৰ।।
কেতিয়াবা সন্ধিয়া আকাশত
তৰা তিৰবিৰণি , আকৌ
কেতিয়াবা ক'লা মেঘে ঢাকি
ৰখা ভাৱৰীয়া দৃশ্য ।
এনেদৰে আকৌ পাৰ হয় পিছদিনাৰ দিন ।
আমনি কৰে মাথোঁ , সময় , দিন , মাহ , বছৰে.....।।
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ