বৰফৰ ফুল ফুলিছে
হয়তো এনেকৈয়ে এই বাটেৰে
ফাগুন আহিছিল
এনেদৰে ফাগুনে দুটি মনক
দুটি মনক একেডাল সূতাৰে বান্ধিছিল চিৰদিন
মোৰ মৌপিয়া জনী
ৰৈ আছে আকাশলৈ চাই
এজাক বৰষুণৰ অপেক্ষাত
নিশাৰ ঠেঁটুৱে লগা
জাৰৰ নিৰ্যাতন সহি সহি
শুকান পাতত পানী বিচাৰিছে তাই
যদিও দুচকুৰ
আটলান্টিক মহাসমুদ্ৰ
লৈ ফুৰিছে তাই
হয়তো ফাগুন এনেকৈয়ে আহে
লঠঙা গছত
জুই জ্বলোৱা বাটেৰে নহয়
বৰফ লগোৱা বাটেৰে
লঠঙা গছত ফুলিছে জুইফুল ।।
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ