পছোৱা ফাগুন -চিন্ময় ডেকা

দুদিনীয়া জীৱনত

প্ৰকৃতিৰ নতুনত্বৰ বতৰা 

অপৰূপ সৌন্দৰ্য্যৰ মধুৰতা ।

কি দৰে বুজাওঁ ,

নৈসৰ্গিক পৰিৱৰ্তনৰ মাধুর্য্যতা

ছায়া ভৰা মন পৰশা

সপোনৰ নান্দনিক দৃশ্যৰাজি 

ৰঙা ফুলৰ স্পন্দনত উদ্ভাসিত 

শিমলু , পলাশ , মদাৰ 

অলেখ উৎকণ্ঠাৰ শোভা বৰ্ষণ 

কঢ়িয়াই আনিছে প্ৰকৃতিৰ বুকুলৈ ,

সৰা পাতে পছোৱা ফাগুন ।

গহীন-গম্ভীৰ ,

আকাশে-বতাহে মুখৰিত কৰি তুলিছে

বৰষাৰ নৱ-সম্ভাৰ ।

চৌপাশ বিভূষিত কৰি তোলে ,

পছোৱা ফাগুনে লুকা-ফাকু খেলে

ধূলিয়ৰি বাটেৰে বৰদৈচিলা আহে

মায়াসনা মন চঞ্চলা 

অপূৰ্ব সমাহাৰে পৰিপূৰ্ণ ভাতৃত্ববোধৰ আকুলতা 

প্ৰকৃতিৰ বুকুলৈ নতুনত্বক আঁকোৱালি

পছোৱা ফাগুনে যেন নূপুৰ পিন্ধায় ।