নিজেই নিজক পঢ়িছিলোঁ,
অতীত, বৰ্তমান--
সময়ৰ জুলুঙাত ভৰাই থোৱা
শব্দবোৰ খুচৰি
এটা এটা কৈ বিচাৰি চালোঁ,
নাই!!!
ইয়াত দেখোন শব্দ এটা নাই !
অ , সচাকৈয়ে নাই !
ক'ত হেৰাল-?
নিজকে প্ৰশ্ন কৰিলোঁ!
সৃষ্টিৰ বুকুত ?
বিজ্ঞানৰ কালগ্ৰাসত ?
ৰাজনীতিৰ প্ৰলোভনত ?
নে !
নাৰীক চিনি নোপোৱা
তেজ পি খোৱা মানৱৰূপী
পিসাচুৰ মাজত ?
লালসাত বলি হ'ল নেকি !!
'মই'জনী উচুপি কান্দিলেও
বিচাৰি পাবনে--
হেৰুৱা শব্দ 'মানৱতা'ক ।
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ