বসন্ত আহিছে-সুশান্ত দাস

প্ৰকৃতিৰ বুকুত আহিছে পৰিৱৰ্তন 

আনিছে বসন্তৰ জোৱাৰ,

মনৰ বাতায়ন খুলি আদৰিম বসন্তক

সাঁচিম সাৱলীল স্মৃতিৰ টোপাল।।

চ'তৰ বিহুৰ আনন্দ আনিছে

বসন্ত ঋতুৱে সামৰি,

নৱ-কিশলয়দলৰ অপৰূপ সৌন্দৰ্য্যক

সাদৰে ল'ম আদৰি।।

কুলিৰ মাতে সানিব

ব'হাগৰ আনন্দত,

মিঠা সুৰৰ আবিৰ।

বিধ্বস্ত সুখৰ অৱশেষবোৰ

পৰিপূৰ্ণ হৈ উঠিব,

বিলাব আনন্দ সাৱলীল।। 

ফাগুনৰ সৰাপাতে

চ'তৰ বুলনিৰে,

মাতিছে ব'হাগৰ বিহু

যাৰ আনন্দৰ নপৰে অন্ত;

সুখৰ ভেটি গঢ়ি

আনন্দৰ ঢৌ তুলি,

প্ৰেম-পৰিমলৰ সুবাস বিলোৱাৰ

বাবেইটো এই ঋতু বসন্ত!.....

           ✍🏻সুশান্ত দাস

               শিৱসাগৰ।