ফাগুনীয়ে মোক লগ পাই সুধিলে - হেৰৌ ! ডেকা ল'ৰা , তুমি প্ৰেমত পৰিছা ?
মই ক'লো - নাই ।
তেনেতে ফাগুনীয়ে ক'লে - হেৰৌ ! ডেকা ল'ৰা ৰঙা শিমলু জোপালৈ ৰ' লাগি কি চাই আছা ?
মই তপৰাই ক'লো - চোৱাচোন ফাগুনী , এই ৰঙা শিমলুৰ বগা কপাহখিনি কেনেকৈ উৰি ফুৰিছে মোৰ ওপৰত । যিয়ে মোক বলিয়া কৰিছে ।
----- মই বুজিছোঁ ডেকা , তুমি মানে প্ৰেমত পৰিছা?
---- নাই ফাগুনী , মই প্ৰেমত পৰা নাই !
---- হেৰৌ ! ডেকা ল'ৰা তুমি প্ৰেমত পৰিছা ?
---- নাই পৰা । এইবাৰ মই চিঞৰি ক'লো ।
---- তেন্তে সৰাপাত খিলা হাতত লৈ লিৰিকি-বিদাৰি কি চাই আছা ?
মইও জানো মই যে প্ৰেমত পৰিছো । ফাগুনৰ বলিয়া বতাহজাকে মোক প্ৰেমত পেলাইছে ।
প্ৰেমৰ আন নাম যে ফাগুন ।
◾শ্ৰী কুঞ্জ মোহন কাকতি
হাতীবাট , মৰিগাঁও
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ