তুমি নাথাকিলে মোৰ
বকুলবনৰ চৰাইজনীয়ে
নিৰৱে উচুপি থাকে
তুমি নাথাকিলে
দূৰ দিগন্তত, বেলি ,লহিওৱাৰ পৰত
দুচকু আকুল কৰা
সোণ হালধীয়া
পথাৰখনিত
জুই জ্বলে।
তুমি যদি কাষত নাথাকা, মাজনিশা
ৰেলৰ উকিটোৱে মোক
শিৱৰ পিনাক হৈ খোঁচে।
তুমি গুচি গ'লে
মোৰ দেহবল্লৰীত প্ৰবাহিত
গংগা যমুনা ৰ দুটি ধাৰা
স্তব্ধ হৈ মোৰ বুকুৰ ঢপঢপনি শুনে,
সেয়ে মই ৰৈ আছোঁ
ৰৈ থাকিম অনন্ত কাল
হৃদয়ৰ পদূলিতে।।
◾ৰেণু শৰ্মা
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ