সতী সাধনী -যদুমণি গগৈ

ধীৰ নাৰায়ণৰ কন্যা তুমি

চুতীয়া জাতিৰ বীৰাংগনা নাৰী

ৰাণী সাধনী নামে প্ৰখ্যাত

প্ৰথম মহিয়সী বীৰ যোদ্ধা

সমগ্ৰ এছিয়াতে বিখ্যাত ।

নিতাই গৰখীয়া

নীতিপাল নামে পৰিচিত

কাড়ি বিদ্যাত উজা

অৰ্ধাঙ্গিনী ৰাণী সাধনী

চুতীয়া জোৱাঁই ৰজা ।

আহোম ৰজাৰ টেঙৰালী

চল-চাতুৰিৰে প্ৰতিশোধৰ অতপালি

লতাকাটি কুণ্ডিল পৰ্বত বগাই

চুতীয়া শতৰু গুপুতে খহাই

নীতিপালৰ স'তে সাধক নাৰায়ণক

বন্দী কৰি দিলে প্ৰাণদণ্ড

দেউঘৰৰ দুৱাৰ দলিত

পুতি থলে দুটি মুণ্ড ।

আই ৰাণী সাধনী

শত্ৰুৰ হাতে সমাপন নকৰি

মৃত্যুৱে শ্ৰেয় বুলি চন্দনগিৰি

শিখৰত উঠি কুবেৰৰ সম্পত্তি

ঢাল-তৰোৱাল সোণৰ মেকুৰী

বুকুত সাৱটি প্ৰাণবিসৰ্জন দিলে

কুণ্ডিল নদীত ।

স্বদেশ প্ৰেমৰ সন্মান বোধেৰে

সতীত্ব ৰক্ষাৰে ত্যাগীলে নিজকে ।

সাত শতৰু হাতে নমৰো বুলি

ভয়াবহ মৃত্যুক ল'লে সাৱটি ।  

স্বদেশ স্বজাতি দেশপ্ৰেম

দুৰ্লভ নিৰ্দশন চুতীয়া জাতিৰ

ৰৈ গ'ল জ্বলন্ত উদাহৰণ ।