হেঁ‌পাহৰ ৰঙালী

আকৌ আহি পালেহি 

হেঁপাহৰ ৰঙালী 

চৌদিশে বসন্তৰ উন্মাদনা 

কুঁহিপাতৰ আঁৰত ,

কুলি - কেতেকীৰ বিননি ।।          

ঢোলৰ গুমগুমনি 

পেঁপাৰ টিহিতি মাত ,

ছেৱে-ছেৱে ৰাংঢালী নাচনীৰ বিহু নাচত কপৌ , নাহৰ , তগৰৰ সুগন্ধত 

মুখৰিত হ'ল আকাশ বতাহ ।

তাঁতশালৰ শিপিনীৰ চেনেহৰ গামোচাত 

সমনীয়াহঁতৰ হুঁচৰিৰ পৰশত ,

বিহুৰ নতুন কৰ্মশালা আয়োজনেৰে 

বাপতি সাহোন ৰঙালীক আদৰিবলৈ

দেহ-মন উত্ৰাৱল হ'ল ,

উজনিৰ পৰা নামনিৰ সকলো অসমীয়া ।

✍️নৱজিৎ নাথ, 

শ্ৰেনী :পঞ্চম ষান্মাসিক ,

কলেজ ;ছিপাঝাৰ মহাবিদ্যালয় ,

ছিপাঝাৰ, (দৰং)