বসন্তৰ ফুল এপাহ
ফুলি আছিল
তোমাৰ দৰে মোৰো
বুকুত কঁপনি এটা
ওলমি থাকে ।
কলহ নভৰা বৰষুণ
এজাক প্ৰতিটো চুবুৰিতে
খুপি থাকে
মুখৰ ভিতৰতে গুনগুনাই
থকা গীত এটা
তোমাৰ দৰে মোৰো সংগী
সেউজীয়াৰ পয়োভৰ
মোৰ পদূলিতো আছে
কুলি চৰাইৰ মাত
সকলোৰে প্ৰিয়
অধিকাৰ বিচৰা আবেলিটো
সংগোপনে গুচি যায় ।
◾প্ৰদীপ দাস ঠাকুৰ
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ