তুমি - তৃণা ফুকন

এটি শব্দ,
যি শব্দত অনুৰণিত হয়
মোৰ অলেখ ৰঙীন স্বপ্ন।
  এটি সুৰীয়া গীতৰ দৰে
   মিঠা প্ৰণয়ৰ সুৰেৰে
   প্ৰতিক্ষণে ছন্দ তুলি
   মোৰ হিয়াৰ কোঁহে কোঁহে 
   নীৰৱতাৰে বৈ যোৱা
মাথোঁ তুমি.....।
যাৰ দুচকুত ফুলে
মায়াসনা গোলাপ পাহি,
যাৰ হাঁহিয়ে কাঢ়ি আনে
ৰঙালীৰ ৰঙখিনি,
তেওঁৱেই মাথোঁ তুমি....।
মোৰ স্বপ্নাতীত আকাশৰ
অপৰাহ্নিত সূৰুযৰ
হেঙুলী আভাখিনিয়েই হ'লা তুমি।
যাৰ সৰলতাই মনৰ
দূৰ দিগন্তলৈ বিয়পাই
প্ৰশান্তিৰ ঢৌ,
তেওঁৱেই মাথোঁ তুমি...।

✍️তৃণা ফুকন
দেৱৰাজ ৰয় মহাবিদ্যালয়,
গোলাঘাট।

Post a Comment

Previous Post Next Post