বেলিটো লহিয়াবৰ পৰতেই আভা আহি মাকৰ ঘৰ পালেহি | মাকে পিছফালৰ পুখুৰী পাৰৰ পৰা হাঁহ কেইটা খেদি আনি চোতাল পাইছিল হে এনেতে আভাই উচুপি উচুপি মাকক সাৱটি ধৰিলে | কি হ'ল অ _ এইখিনি সময়ত অকলে অকলে যে তই ? জোঁৱাই ক'ত ? জোঁৱায়েৰৰ কথা আৰু কেতিয়াও নুশুধিবি। কিয় ? আভাৰ মাকে গাৰ পৰা তাইক এক আচৰিত দৃষ্টিৰে তাইলৈ চাই শুধিলে ___ জোঁৱাইয়ে কোনো সৎ কৰ্ম নকৰে আজি মই তাৰ সকলো কথা গম পোৱাত সি মোক চিৰদিনৰ কাৰণে ঘৰৰ পৰা বাহিৰ কৰি দিলে মা। এৰা অ' তোৰ কথা শুনি যদিও মনটো বেয়া লাগিছে কিন্তু সি তোক তাৰ বন্ধনৰ পৰা মুক্তি দি ভালেই কৰিলে আভা ; মেট্ৰিক পৰীক্ষা শেষ হোৱাৰ দিনাই সি তোক পলুৱাই নিছিল আৰু তয়ো গুছি গৈছিলি | আমাৰ কথা এবাৰো ভবাই নাছিলি ; পঢ়া শুনাত তই বহুত ভাল ছোৱালী আছিলি | তোক লৈ আমি মাৰ - দেউতাৰ হালে অলেখ সপোন দেখিছিলোঁ | সি তোৰ আগলৈ পঢ়া শুনাৰ কথা কেতিয়াবা চিন্তা কৰিছিল নে ? আমি জানিছিলো সি কেতিয়াও ভাল কাম কৰি টকা পইচা উৰ্পাজন কৰা নাছিল | অন্ধকাৰৰ সৈতে যুঁজ দিয়াতকৈ সি তোক উলিয়াই দি যেন তোৰ নতুন এটা জীৱনৰ হে পাতনি কৰিলে- এতিয়া পঢ়া শুনা কৰি নিজৰ ভৱিষ্যতৰ কথা চিন্তা কৰ আভা | ✍️খুকুমণি মুদৈ দাস, নলবাৰী
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ