জীৱন এক খেল-মনোৰমা দাস

এতিয়াচোন ভাবনাৰ কলম থমকি ৰ'ল অন্তৰাত্মাৰ জাগ্ৰত চেতনাক 

কবৰ দিয়া হ'ল 

পাহৰণিৰ বুকুত 

সুন্দৰৰ আৰাধনা 

হেৰাই গ'ল 

সৃষ্টিকৰ্তাক পূজিবলৈ 

মনত নপৰা হ'ল 

সময়ৰ গতিত ধীৰে ধীৰে 

সম্পৰ্কবোৰ হেৰাই গ'ল 

মাথো থাকি গ'ল 

স্মৃতিৰ এলবামত সজীৱ হৈ  

প্ৰতিখন চিত্ৰপট 

কঢ়িয়াই লৈ ফুৰিছো   

এৰি অহা দিনৰ সুখ দুখ  

কিম্বা হাঁহি কান্দোনৰ 

একো একোখন জীৱন্ত মানচিত্ৰ 

এয়াই জীৱনৰ হৰা -জিকা খেল।

◾মনোৰমা দাস