নিজৰ সপোনক
জীৱন জীয়াবলৈ
বাৰে বাৰে কৰা প্ৰতিজ্ঞাই
আনি দিয়েহি
সময়ত প্ৰত্যাহ্বান ।
তুমি জানিও বাৰু নজানা হোৱা
প্ৰতিপলে অনুপলে
নিঃস্বাৰ্থ ভালপোৱা আওৰাই
ওঁঠত মৌনতাৰ ভাষা ।
কেতিয়াবা জীৱনৰ ৰংবোৰে
দিক্ বিদিক ভেদি
প্ৰতিজ্ঞা কৰি অভিমানী হৈ
ব্যৰ্থতাৰে আৱৰে হৃদয়ত বিষাদ ।
ব্যস্ততাৰ অৱকাশ পাহৰি
অপেক্ষা কৰোঁ
কি জানি মিছা প্ৰতিশ্ৰুতি দি
বুকুত এবুকু সপোন হৈ আশাৰে
কাঁচিয়লি ৰ'দৰ পোহৰ ।
✍️ যমুনা বৈশ্য
শুৱালকুছি
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ