মৰিচিকা খেদি খেদি,
ভাগৰুৱা অতৃপ্ত পথিকৰ প্ৰাৰ্থনা
বিচাৰি এজাক বৰষুণ,
মূষলধাৰ বৰষুণ!
জীৱনৰ বৰষুণ!
বৈ অহা এজাক বতাহ
তেজাল দেহ শুকুৱাই নিয়া,
তৃষ্ণাতুৰ ওঁঠৰ ফাঁকেৰে
অমৃত নিগৰি সৰা
এজাক বৰষুণ!
শুই পৰা দেহত মোৰ
সুৰুযৰ লেলিহান শিখাৰ হাতোঁৰা!
মৃতকৰ দেহত মৰুভূৰ অংগসজ্জা!
চকুৰ পতাত চকামকা
মুকলি আজি গাঁঠি থোৱা জীৱনৰ বৰপেৰা,
খুলি থোৱা হৃদয়ৰ সেউজী চোতালত
নৃত্যৰত প্ৰেয়সীৰ মোহিনী মায়া,
মৃত্যুৰ কিৰিলিও আজি মোৰ বাবে
কুলু-কুলু সুৰেৰে বোৱা শান্তিৰ নিজৰা!
✍️ নীল প্ৰজাপতি
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ