এসময়ত হেনো ৰং বিলাইছিল
সেউজী-সোণালী, নানাবিধ ৰং...
সৰু-বৰ অলেখ জীৱনে
সেই ৰংবোৰৰ ছাঁত
বুকু ভৰি যোৱাকৈ
উশাহত টানি লৈছিল
সতেজ বতাহী ঢৌবোৰ।
সেই বতাহ এতিয়া বিষাক্ত।
সেই ৰংবোৰ এতিয়া শোকাৰ্ত।
সেই জীৱনবোৰ এতিয়া ৰোগাক্ৰান্ত।
মাটিৰ কলিজাটো
পচি আহিছে
বোবা যাতনাত;
ধৰিত্ৰী আইৰ দেহত হেনো নৰিয়া,
আৰু বুকুত
বাচাধনহঁতে দিয়া এসাগৰ দুখ।
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ