নৈখন হ'ল ভৰযৌৱনা
তাইৰ বুকুত মৰমৰ ঢৌ
যিয়ে গৈছে তাইৰ ওচৰলৈ
সাৱতিছে নিৰৱে -মৰমেৰে
অৱহেলা কৰা নাই তাই
গোহালিৰ ছাগলীটোক বা শুকান কাঠডালক
বৈ গৈছে তাই সাগৰলৈ নিৰৱধি ।
সূৰ্যেও ল'লে লাজৰ উৰণি টানি
ৰ'দ এচাটি বিচাৰি হাহাকাৰ
ভোকবোৰ যেন উজাই আহে
আৰু উজাই আহে উজানৰ মাছ ।
যেনিয়ে যাওঁ তেনিয়ে দেখোঁ
পানী আৰু পানী
শেলুৱৈ ধৰা চোতালত পিছলে দুভৰি ।
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ