ল’ৰাকেইজন গ’লগৈ | ছিপাঝাৰত ট্ৰাক দুৰ্ঘটনা মৃত্যু হোৱা ল’ৰাকেইজনৰ স্মৃতিত- প্ৰদীপ দাস ঠাকুৰ

কেতিয়াও ঘূৰি নহাৰ প্ৰতিশ্ৰুতিৰে ল’ৰাকেইজন গ’লগৈ
কণ কণ সপোনবোৰ কলিতে মৰহি গ’ল অজানিতে

চিৰকাললৈ এক শোক আঁৰি দি গ’ল ঘৰবোৰত
পদূলিমুখত বাট চাই থকা মাকবোৰৰ বুকুত 
এটা শিল গজি উঠিল গোটেই জীৱনৰ বাবে

জ্বলি উঠা চিতাবোৰ এতিয়াই পূৰঠ হোৱা নাছিল
মানুহবোৰৰ ঘৰত ভিন্ন ৰঙী গোলাপ ফুলা কথা আছিল

মৃত শৰীৰেৰে কথা কব নোৱাৰে কন্দুৱাব পাৰে আপোনজনক
মৃত শৰীৰত জ্বলি উঠিব পাৰে জুই 
শুকুৱাব পাৰিব জানো সন্তাপৰ জুই ।

✍️ প্ৰদীপ দাস ঠাকুৰ

Post a Comment

Previous Post Next Post