পিতাই-সবিতা দাস

এসময়ত পিতায়ে হাতুৰী কোবাইছিল 

প্রতিটো হাতুৰীৰ কোবত 

পাঁচজনীয়া পৰিয়ালটিৰ পেটৰ ভাত হয় সিদ্ধ 

কৰতেৰে ৰেপি ৰেপি 

 সন্তানক মানুহ কৰিবলৈ যেন পিতাই প্রতিজ্ঞাবদ্ধ 

আৰু ...

এসময়ত পিতাই খেতিয়ক

নাঙলৰ সিৰলুত সপোন সিঁচে

ৰ'দ -বৰষুণ একাকাৰ 

পিতাৰ কৰ্মঠু দুই হাতৰ পৰশত 

সপোনে গজালি মেলে লহপহকৈ ।

আৰু এতিয়া ...

পিতাইৰ সপোনটি বৰগছ হ'ল

বৰগছৰ ছাঁতেই পিতায়ে লয় জিৰণি ।।

✍️সবিতা দাস

মিৰ্জা