বিষণ্ণতাৰ আস্তৰণখনি মেৰিয়াবলৈ ইতস্তত নকৰি,
বৃথাময় জীৱনক ধিয়াই মানৱ আত্মাই
ত্যক্ত বেদনাৰ উল্কাৰ প্ৰহাৰত হৈছে বেদনাৰ বশৱৰ্তী।।
জীৱনৰ স্বাচ্ছন্দ্যতাবোৰ মাথোঁ সপোনতেই বাস্তৱ
আৰু বাস্তৱত যেন মৰগীয়া প্ৰেমৰ তুল্য !
সখ্য ৰক্ষাৰ স্বাৰ্থৰ হেতু বিষাদৰ সতে
কৰা চুক্তিৰ দলিল আজিও অদৃশ্য !
জীৱনক তাচ্ছিল্য কৰা মানৱীয়তাই
জয়গান গাইছে আনন্দৰ মূহুৰ্তত,
মাথোঁ অবুজ মানৱে বুজিব পৰা নাই
হিৰণ্ময়ী জীৱন জীয়াৰ আনন্দ !
জীৱনৰ দুখবোৰ বুকুত সাৱটি
সুখবোৰ নিক্ষেপ কৰিছে জীৱনৰ পৰা !
উপায় আছে এটাই,
বাট লোৱা স্বল্প সংশোধনৰ !..
স্বল্প সংশোধনৰ প্ৰয়োজন জীৱনত
দুখক নিক্ষেপ কৰি সুখক আদৰি,
বৃথাময়তাক বিফল কৰি
সফল মন্ত্ৰোচ্ছাৰণ কৰি ;
জীৱন নদীত কৰি সুখৰ সঞ্চাৰ
বিষণ্ণতাবোৰ নিশ্বাসত ত্যাগী
স্বল্প সংশোধন কৰা হে মুক্তি পথযাত্ৰী।।...
◾সুশান্ত দাস, শিৱসাগৰ
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ