অভিসন্ধি - হোমেন গগৈ

মানুহবোৰে মানুহৰ কামিজটো পিন্ধিলে সততে এটি পৰিচয় বিয়পি পৰে

যেনেকৈ, ৰাতিটো নামি আহিলে আমি নিজক আৱিষ্কাৰ কৰাৰ সপোন খুচৰি ফুৰো;

পৰিচয়ৰ এক আজন্ম তৃষা। 

প্ৰেমৰ বাবে এটা লেফাফা থাকে

তাত লিখা হয়-"প্ৰেমেহে প্ৰেমক জানে; অন্যথা সন্ধি।।"

নিশান্তৰ হুমুনিয়াহবোৰৰ বাবেই ৰাতি আটাইতকৈ হিংস্র সংগ। 

মনলৈ আহিব ধৰে, 

ইউক্রেন নামৰ পাখা গুটিবোৰৰ বাবেই আমেৰিকা সবাতোকৈ পছন্দৰ বাজিখেল। 

আৰু, ইণ্ডিয়া ? বিনোদনৰ এডাল সৰ্পিল ভ্ৰম। 

আটাইতকৈ ভাল পোৱা কথাটো হ'ল আমি অন্যমনস্ক হ'ব জানো, 

সেয়ে সুখী। 

জীৱনবোৰত থকা পৰিঘটনাবোৰ আন একো নহয়, 

ঘৰ্ষণৰ আঁচোৰত জীয়াৰ চুক্তিত স্বাক্ষৰিত একো-একোটা অভিসন্ধি।। 

✍️হোমেন গগৈ

     ডিব্ৰুগড় বিশ্ববিদ্যালয়।