সুগন্ধি বৰষুণ।
ঠনধৰি উঠা এখন নদী।
শাওন হ'ল ক্লেদময় পথাৰৰ
এটা সেউজীয়া গান।
শাওন মানেই হ'ল
এজাক ডবাপিটা বৰষুণৰ
বোকাময় এটি সুৰ।
বুকুৰ শূণ্যতাত ঠনধৰি উঠে
এখন সেউজীয়া পৃথিৱী।
য'ত ধূলি ধুসৰিত ৰংবোৰ
পৰিৱৰ্তন হয় সেউজীয়ালৈ।
মূৰৰ ওপৰত এখন নীলিম আকাশ।
প্ৰকৃতিৰ ৰূপ ৰাশিয়ে সেউজীয়া
কৰি তোলে কৃষকৰ মন।
শাওন মানেই হ'ল
যৌৱনাৰ নদীৰ এটি ঢৌ।
শাওন মানেই হ'ল
মোৰ কবিতা বনত
হামখুৰি খাই পৰা এজাক
খিচমিচ সৰু চৰাই।
🔴বিটুমনি কোঁছ
ধেমাজি (মাছখোৱা)
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ