বাৰিষাৰ ভৰা মেঘ-ৰুনু দেবী শর্মা

আকাশ আৰু মেঘৰ কথোপকথন, 
এই বাৰিষাতেই এজোপা বড় গছৰ মৃত্যু হ'ল, 
চাই থাকোতেই  আকাশ আৰু 
মেঘৰ তাণ্ডবলীলা, 
চৌদিশে মহাপ্ৰলয়, 
কলিৰ শেষত  কল্কি অৱতাৰ
টল-টল পৃথিৱীৰ অস্থিৰ আর্ত্তনাদ। 
হেজাৰ চকুলোৰ ঐকান্তিক আহ্বান, নৈ কেইখনৰ বাঢ়নী
সোঁতলৈ লক্ষ কৰি ।
মেঘে যে ওন্দোলাই আনিছে
বুঢ়া লুইতে আৰু কিমান ভাৰ
 সহিব? 
গছজোপাৰো মৃত্যু হ'ল
গোধন,পশু-পক্ষীৰ হাহাকাৰ
বুকুত  এটা প্ৰচণ্ড বিষ উঠিছে
প্ৰকৃতিৰ ৰোদন, পাহাৰ-পর্বতৰ হুমুনিয়াহ 
জল -স্থল সকলোতেই আকাশখন খহি পৰিছে
চকুৰ পচাৰতেই, চলিছে ৰোদন। 
কপিলী, ধনশিৰি, সোৱনশিৰিয়ে কিৰিলি পাৰিছে,
চৌদিশে মহাপ্ৰলয় সকলো
দম্ভ- অহঙ্কাৰৰ মূল। 
কংক্ৰিটৰ মহানগৰীত এতিয়া 
মহাসাগৰত পৰিণত। 
ঠিকনাবোৰ হেৰাই যাব নেকি ?
প্ৰকৃতিৰ ৰোদন, আকাশ আৰু মেঘৰ কথোপকথন। 


Post a Comment

Previous Post Next Post