একান্তই নিজৰ

অনুভৱবোৰ একান্তই নিজৰ ...

বহুদিন হ'ল ,

এই অনুভৱবোৰৰ সৈতে মুখামুখি হোৱা।

বহুদিনেই হ'ল চিয়াঁহীৰ বোলেৰে

হৃদয় শাঁত পেলোৱা ,

দিন - ৰাতিৰ সংগ্ৰামবোৰ

চলি আছে ...

ঘড়ী কাঁটাৰ টিক্ টিক্ শব্দৰ সৈতে ...

জিৰণি লব'লৈ আঁহৰিয়েই নাই ।

অনুভৱবোৰৰো জানো 

স্হিৰতা আছে !

সৌ সিদিনালৈকে পাখি মেলি উৰিব খোজিছিল

নিলীম আকাশত ,

আৰু আজি পুনৰ মৌন নীৰৱ দাপোনত ।

কাৰণ ...

নাই কোনো বিশেষ কাৰণ হয়তো নাই ! 

তথাপি খুদুৱনি এটা আছে

উকা পৃষ্ঠা আৰু ৰঙীণ কলমডালিৰ 

সংগ্ৰামৰ মাজত ।

শব্দই বাৰু কিমানৰ হৃদয় চুব পাৰে  ?

আৰু যদি পাৰে 

নিগৰাবে পাৰেনে এটি নীৰৱ কাহিনী  ,

ৰহস্য ...

কাৰণ অনুভৱবোৰ যে একান্তই নিজৰ ।

                                     

                              

◾ শ্ৰীমতী গায়ত্ৰী কোঁৱৰ ,           

মৰাণ মহাবিদ্যালয় , জিলা : ডিব্ৰুগড় ।