হুমুনিয়াহবোৰৰ জলকেলি- জহিৰুল ইছলাম

1
কোনে কয় মই ভোকাতুৰ
থিয় দিব নোৱাৰাকৈ কামিহাড় ডালহে দূৰ্বল মোৰ ,
বাকী সব ঠিকেই আছে।

এই কেইদিন পাহৰি গৈছোঁ ভোকৰ যন্ত্ৰণা ,
পাহৰি গৈছোঁ দৈন্যতাৰ এৰালছিগা দৌৰাত্মত
বৃদ্ধ মা, নৰিয়া পিতৃৰ টেটুফলা চিঞৰৰ কথা ।
বাকী সব ঠিকেই আছে।

চাহিদাৰ তালিকাত সীমাহীন চাহিদা 
কিন্তু; পূৰাব পৰাকৈ পকেট যে তেনেই শূন্য ।
কেতিয়াবা ভয় ,কেতিয়াবা শংকাত 
অজানিতে নাচিছো ময়ো ,
গাইছোও ভোকৰ অৰণ্যত আজি প্ৰাপ্তিৰ জয়গান
কোনে জানে --!
কেতিয়া ভোকৰ অৰণ্যত গজি উঠিব মৰিশালিৰ
বিবৰ্ণ উদ্যান?
যাৰ ধোঁৱাত বিলীন হ'ব নশ্বৰ দেহা,
ছাই হ'ব মোৰ এঙেৰুৱা কলিজা।

Post a Comment

1Comments

নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ

Post a Comment