অচিনাকি- মাছিদা বেগম

অচিনাকীৰ পৰাই চিনাকি হলো , চোৱা - নোচোৱা কৈ তোমাৰ সেই প্রথম চাৱনি,এতিয়াও চিনাকি হৈয়ে আছে তোমাৰ সেই চাৱনি যিটো চাৱনিত পৃথিৱীৰ সকলো লাজে মোক বিছাৰিছিল, শাওনৰ প্ৰথম প্রেমৰ বৰষুণ জাকেও ৰোধিব পৰা নাছিল তোমাৰ সেই চাৱনি , যেন তুমিয়ে পাইছিলা র্সবোচ্চ বিছাৰি, এতিয়াও মনত পৰে তোমাৰ সেই চাৱনি, আৰু তুমি নিচ্ছুপ হৈ সোমাইছিলা আৰু কৈছিলা মনে মনে ,বৰষা ইমান অভিমান ,আকাশে দুখ দিলে চাগে? আৰু মই মনে মনে হাঁহি থকা দেখি তুমি কৈছিলা ......লাজুকী ছোৱালী জনিয়েও হাঁহিব জানে চোন। আৰু তেতিয়াৰ পৰাই আৰম্ভ হৈছিল,

.......লাজৰ আৰত লুকাই থকা মৰম, ভাল পোৱা, আবেগ আৰু অনুভূতি। আৰু তেতিয়াৰ পৰাই দুয়ো প্রথম চিনাকি হলো ।এনেদৰে বহু দিন আগবাঢ়ি গলো।কিন্তু সময়ৰ গতিত চিনাকি বোৰ আজি অচিনাকি হৈ গ'ল ।নাজানো কেতিয়া বিছাৰি পাম আকৌ সেই চিনাকি । অভিমান বোৰেও আতৰি গ'ল যেন চিনাকি বোৰক এৰি অচিনাকি হব ............আকৌ ঘূৰি আহিবা জানো অচিনাকি বোৰক সেই চিনাকি কৰিব.......আকৌ আহিবা জানো অচিনাকি মৰম, অভিমান বোৰক চিনাকি কৰিব.................আৰু সেই হেৰাই যোৱা অচিনাকি বোৰক চিনাকি হব বুলি ভাবোতে মোৰ খেলি মেলি লাগিল ,আৰু মৰম বোৰৰ অপেক্ষাত ৰওতে হৃদয়ত

 আওল লাগিল ,কিন্তু তোমাৰ বাবে অলপ নৰম হবলৈ লওঁতে আমাৰ মাজৰ সাকো খন ভাগি পৰিল ...সকলো আবেগ, মৰম, ভাল পোৱা তাতে সীমাবদ্ধ হৈ ৰ'ল। আৰু মই নিজে নিজৰ বাবে সাঁথৰ হৈ ৰলো। আকৌ কেতিয়া হব আমাৰ সেই অচিনাকি বোৰ চিনাকি .......অচিনাকি বাটেদি আহিছিলো তুমি আৰু মই ....সেই বাটে দি গুছি গ'লা এদিন... বতাহত ৰৈ গ'ল ভাল লগা সুবাস এটি , অতিকৈ আপোন .......আৰু অচিনাকি হৈ আহিও কোনেও নজনা কৈ, কোনেও নেদেখাকৈ হিয়াৰ সাফৰ খুলি সোমোৱা দুখ বোৰ সংগোপনে আহি কুটি কুটি খাই পেলালে, আৰু হেতালি খেলে জীৱনৰ লগত । তুমি যে মোৰ কাষলৈ আহি আকৌ আতৰি গলা .....মই 

 স্তব্ধ হৈ পৰিলো ..... আৰু তুমি মোৰ সকলো খিনি লৈ গলা .........।।