অসম আমাৰ -ছেলিমা বেগম

জন্ম লৈছোঁ অসমৰ মাটিতে 
ডাঙৰ-দীঘল হৈছোঁ অসমৰ ভূমিতে 
শিক্ষা লৈছোঁ অসম প্ৰদেশতে 
প্ৰাণ দিম অসমৰ বাবে৷ 

অসম আমাৰ মাতৃভূমি 
অসম আমাৰ গৌৰৱৰ ভূমি 
স্বদেশ আমাৰ গৌৰৱৰ ভূমি 
অসম আমাৰ প্ৰকৃতিৰ সৌন্দৰ্যৰ ভূমি ৷ 

অসম এৰি নাযাওঁ আমি 
অসমৰ বুকুতে মৰিম আমি 
অসমৰ বুকুতে যুঁজিম আমি 
অসমৰ অসমীয়া জীয়ৰী আমি ৷ 

অসমৰ মাটি সাৰুৱা কৰিম 
অসমৰ সম্পত্তি সুৰক্ষিত ৰাখিম 
অসমৰ শান্তি অটুট ৰাখিম 
অসমৰ গৌৰৱ বজাই ৰাখিম ৷ 

অসমৰ বীৰৰ তেজৰ বিনিময়ত
আমি অসমীয়াই পালোঁ স্বাধীনতা।
ফাঁচি অথবা বন্দুকৰ গুলীক ভয় নকৰি 
দেশৰ বাবে প্ৰাণ আহুতি দিয়া শ্বহীদক প্ৰণাম জনাওঁ ৷ 

আমি গৌৰৱ কৰোঁ ভাৰতৰ 
ত্ৰিৰংগা পতাকাখনক লৈ 
জাতীয় পতাকাখনক  জনাওঁ প্ৰণাম
আঁহা মান ৰক্ষাৰে জাতীয় পতাখন উৰুৱাও ।

Post a Comment

Previous Post Next Post