তোমাৰ প্ৰেমত পৰিলোঁ-দিপশিখা ৰাজকোঁৱৰ

অজানিতেই মোৰ কণমানি হিয়াখন তোমাক দিছিলোঁ
যদিও তুমি অচিনাকি আছিলা।
লাহে লাহে তুমি মোৰ
নিচেই আপোন হৈ পৰিলা।
তোমাৰ অবিহনে মই
এক্ষন্তেকো থাকিব নিবিচাৰোঁ
প্ৰতি পুৱা আৰু গধূলি
তোমাকেই সৃষ্টি কৰিব বিচাৰোঁ।
মোৰ বহীৰ উকা পৃষ্ঠাত
নীলা কলমৰ চিয়াঁহীৰে।
জানা তোমাক মই
বহুত নাম দিব বিচাৰোঁ
কবিতা, গল্প, প্ৰবন্ধ, ইত্যাদি
তোমাৰ বাৰু ভাল লাগেনে
মই মৰমত দিয়া নামবোৰ।
সচাঁকৈ তোমাৰ প্ৰেমত পৰিলোঁ
মোৰ অভিমানী মনত
তুমি নিগাজিকৈ থিতাপি ললা
অনবৰত গুঞ্জৰিত হৈ থাকে
মনত মাথোঁ শব্দ......
সেইবাবেইতো তোমাৰ প্ৰেমত পৰিলোঁ।

◾দিপশিখা ৰাজকোঁৱৰ।

Post a Comment

Previous Post Next Post