স্বাধীনতা -দিপশিখা ৰাজকোঁৱৰ

ৰাজপথৰ দাঁতিয়ে ডেকা গাভৰুৰ দলটো আগুৱাই গৈছে
হাতত তিৰংগ পতাকা
মুখত বিৰিঙি উঠিছে
প্ৰাণখোলা হাঁহি।
সকলোৰে জয়ধ্বনিৰে মুখৰিত হৈছে ৰাজপথ
বন্দে মাতৰম, বন্দে মাতৰম।
লাচিতৰ দেশৰে বীৰ আমি
যুঁজিবলৈ যাঁও আহা সকলোৱে মিলি
জাতি ভেদ প্ৰথা আওকাণ কৰি
একতাৰ দোলেৰে বান্ধি
লাচিতৰ দেশৰে বীৰ আমি
আগুৱাই যাঁও, আগবাঢ়ি যাঁও।
মূলাগাভৰু কনকলতা দেশৰ
তেজাল গাভৰু আমি
যুঁজিবলৈ নকৰোঁ ভয় আজি
আগুৱাই যাম, আগবাঢ়ি যাম
দেশৰ হকে যুঁজি প্ৰাণ দি যাম
বন্দে মাতৰম বন্দে মাতৰম।
চাৰিওফালে দেখোঁ আজি
হত্যা আৰু দুৰ্নীতিৰ প্ৰকোপ
শংকৰ মাধৱে বান্ধি যোৱা
এনাজৰী কিয় ছিঙি গ'ল আজি
অহিংসাৰ সেই অমৰ বাণী
কোনেও নোসোঁৱৰে আজি
আমি আহিছোঁ আজি আগবাঢ়ি
নতুনকৈ দেশ গঢ়িম বুলি।

        ✍️দিপশিখা ৰাজকোঁৱৰ।

Post a Comment

Previous Post Next Post