স্বাধীন দেশৰ নাগৰিক হিচাপে মোৰ মনৰ অনুভৱ- ছেলিমা বেগম

স্বাধীন দেশৰ নাগৰিক আমি স্বাধীন মনে থাকিম আমি।স্বাধীনতা আমাৰ জন্মস্বত্ব অধিকাৰ। এই দেশ আমাৰ;জাতীয় পতাকাৰ সন্মুখত বুকুফিন্দাই থিয় দিম।আমি ভাৰতৰ নাগৰিক৷ভাৰতৰ নাগৰিক হৈ আমি দেশখনত শান্তি বজাই ৰাখিম৷ধৰ্মনিৰপেক্ষ আমাৰ দেশ, সকলো জাতি মিলি দেশৰ উন্নতি আনিম৷উগ্ৰপন্থীৰ হাতৰ পৰা দেশখন বচাই ৰাখিম৷কোনো কাৰণতে যাতে আমাৰ দেশত বিশৃংখলতাই দেখা নিদিয়ে তাৰ প্ৰতি সচেতন হৈ থাকিম।সু- নাগৰিক হৈ শত্ৰুৰ পৰা দেশখন বচোৱা আমাৰ প্ৰতেকৰেই দায়িত্ব।এজন ভাৰতৰ নাগৰিক হিচাপে মই ইয়াকে কওঁ যে আমাৰ উঠি অহা নৱপ্ৰজন্মই যাতে কোনো কু-কাৰণতে যুগ দিব নোৱাৰে। তাৰ প্ৰতি আমাৰ অভিভাৱক সকল সচেতন হ'ব লাগিব৷ নৱপ্ৰজন্মই আমাৰ দেশৰ ভৱিষ্যত ,সিহঁতক আমি সু- নাগৰিক হিচাপে নিজকে গঢ় দিয়াৰ ক্ষেত্ৰত সহায় কৰিব লাগিব।

১৯৪৭ চনৰ ১৫ আগষ্টত আমি ভাৰতবাসীয়ে স্বাধীনতা পালোঁ।বৃটিছৰ তলতীয়া হৈ আমাৰ ভাৰতৰ মানুহবোৰ কিমান যে হাৰাশাস্তি ভুগিব লগা হৈছিল আজিও ভাৰতৰ জনসাধাৰণে পাহৰিব পৰা নাই ৷যি সকল শ্বহীদৰ তেজৰ বিনিময়ত আমি স্বাধীনতা পালোঁ তেখেত সকলক আমি চেল্যুট জনাওঁ৷চাওঁতে চাওঁতে ৭৫ বছৰত ভৰি দিলে।৭৫ সংখ্যক স্বাধীনতা দিৱসত যাতে সকলো ভাৰতীয়ই প্ৰত্যেকেই ঘৰে ঘৰে এখন জাতীয় পতাকা সন্মান সহকাৰে উৰুৱায়৷

১৫ আগষ্টত দেহৰ শত শত বীৰৰ তেজৰ বিনিময়ত আমি ভাৰতবাসীয়ে পালোঁ স্বাধীনতা,আহক আমি শ্ৰদ্ধাঞ্জলি জনাওঁ। ফাঁচি অথচ বন্দুকৰ গুলীক ভয় নকৰি দেশৰ কাৰণে প্ৰাণ আহুতি দিয়া শ্বহীদ সকলক প্ৰণাম জনাওঁ।ভৱিষ্যত প্ৰজন্মৰ স্বাধীনতাৰ সোৱাদ দিবলৈ গৈ নিজৰ জীৱন বলিদান দিয়া সকলক চেল্যুট জনাওঁ।গৌৰৱ কৰোঁ আমি এই ভাৰতৰ পবিত্ৰ ভূমিত জন্ম লৈ স্বাধীন মনে থাকিব পাৰিছোঁ৷ভাৰত আমাৰ জন্মভূমি 

স্বদেশ আমাৰ গৌৰৱ আমি গৌৰৱ কৰোঁ ভাৰতৰ ত্ৰিৰঙ্গা পতাকাক লৈ

জাতীয় পতাকা খনিক জনাওঁ শত বাৰ ছালাম আহাঁ আহাঁ বীৰপুৰুষৰ সন্তান হাতে হাতে জাতীয় পতাকাখন লৈ মান ৰক্ষাৰে উৰুৱাবলৈ৷