ৰাজপথ-হেমেন হাজৰিকা

     বাৰিষা ওফন্দি উঠি
      খৰালি শুকাই যোৱা
      নদী হ'ব নোৱাৰিলোঁ  ।।

     ৰ'দত শুকাই
     বৰষুণত তিতি
     অবিৰত ভাৰ সহি সহি
    ক্লান্ত , শান্ত মই  ।।

    বুকুত দ দ গাত হ'লেও
    তেজ বৈ গলেও
    নিৰ্মম অত্যাচাৰ চলে  ।।

    দিন ৰাতি একাকাৰ কৰি
    হাজাৰ টন ওজন সহি
   ‌ মই বুকু পাতি থও   ।।

   সুধিছানে কেতিয়াবা
   মোৰ কষ্ট হয়নে  ? 

   তোমালোকৰ গতিৰ বাবেই
 ‌‌  গাৱে ভূঞে
   চহৰে নগৰে
   মোৰ ন ন‌ সৃষ্টি  ।।

   ◾হেমেন হাজৰিকা 
            ৰাণী

Post a Comment

Previous Post Next Post