বিচাৰিছো তোমাৰ পৰা
এজাক শাওণৰ বৰষুণ .....
অপ্ৰকাশিত দুখৰ চহৰত
যি মোক কৰিব সিক্ত,
আবেগময়ী প্ৰেমৰ সৃষ্ট প্ৰেক্ষাপটত
ৰচিত হ'ব অকল্পনীয় কাব্য ।
কবিতাৰ মাজতে আবদ্ধ নহয় কাহিনী
বিচাৰিছো এমুঠি বৰষুণে তিওৱা
শান্ত আবেলি ....
বিশৃংখল ভাৱনাৰ সমাপন ঘটিব
যি মোৰ অনাকাংক্ষিত অবাঞ্ছিত ,
মান অভিমানৰ জুই নুমাই
হৃদয়েৰে বৈ যাব এছাটি
শীতল প্ৰেমৰ মলয়া ।
নিশাৰ সপোনৰ কাহিনী নহয়
তিতিব বিচাৰিছো তোমাৰ
পাখিলগা বিশুদ্ধ বৰষুণত ,
যি মোৰ অৱসান ঘটাব
উজাগৰে ৰোৱা অপেক্ষাৰ
নিদ্ৰা বিহীন ৰাতিৰ ।
পাৰা যদি ধাৰে দিয়া মোক
এজাক বৰষুণ
হেৰাই যাব বিচাৰিছো
অনামী ধৰাত ।
◾মাৰ্জিনা বেগম ( বৰপেটা) ।
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ