চোতালত দেখিলো এহাল শালিকী চৰাই,
মুখত জিলিকি উঠিলে মোৰ
মিচিকিয়া এটি হাঁহি,
মনতে ভাবিলো মই
শুভ হ'ব চাগে
মোৰ আজিৰ পুৱাটি.....!
পাছফালৰ জুপুৰিটোলৈ বুলি
দিলো দৌৰ মাৰি
তাতো দেখোন
যোৰে যোৰে শালিকীৰ গুণ গুণনি,
পাম চাগে আজি মই
সুখৰ বাতৰি..,
জনাও বুলি কথাটি মাক
চিঞৰিলো মা মা বুলি..!
মাত দিলে মায়ে
শাকনি ডৰাৰ পৰা,
চিঞৰি আছিলো মই
সুধিলে মায়ে মোক...
কিয়নো চিঞৰি আছ বুলি...?
আনন্দতে আত্মাহাৰা হৈ
দিলো সকলো কৈ,
মায়ে বোলে চা সেয়া ঘৰৰ পাছফালৰ শালিকীৰ বাহলৈ...!
✍️নিবেদিতা কলিতা
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ