যৌৱনৰ ভৰ বাৰিষা-ৰঞ্জু গায়ন বৰুৱা

যৌৱন ভৰ বাৰিষাই তোমাৰ দুগালত ছটিয়াই দিলে গুলপীয়া সুবাস , 
সময়ৰ গতিশীলতাত 
তেতিয়া মই চাতক পখী
যৌৱনে বিচাৰে তোমাক
ভাৱনাৰ ভাবকে লৈ
শুকুলা ডাৱৰৰ তলত বহি 
বাৰে বৰণীয়া ফুলৰ দলিচাত
সুমধুৰ কল্পনাকে সাৱটি লৈ আকাশেদি 
উৰি যোৱা সৌ চৰাইজাকক দি পঠিয়ালোঁ
তোমালৈ বুলি প্ৰেমৰ প্ৰস্তাৱ ।
যুগে - যুগে প্ৰেমক স্বাগতম জনাই 
সাঁতুৰিলো গৈ প্ৰেমৰ গভীৰতাত ।
প্ৰেম এক বিশাল সমুদ্ৰ
দুয়ো উটি গ'লো প্ৰেমৰ সন্ধানত
নৌকাত নাপালো যে পাৰ । 


Post a Comment

Previous Post Next Post