নীৰৱ হৃদয়ৰ কবিতা - ৰাহুল চেতিয়া

ভয় লাগে দেখোন

সমন্ধ বোৰ গঢ়ি 

আগুৱাই নিবলৈ...

কিজানি কৃত্ৰিমতাৰ বাবে

সঁচা মৰমবোৰ হেৰুৱাই পেলাওঁ !

আধুনিকতাৰ প্ৰতিযোগিতাৰ বাবেই

আত্মীয়তা, বন্ধুত্ব কি প্ৰেম

সকলোতে দেখোন ভৰপূৰ কৃত্ৰিমতা...

হাজাৰ বাৰ ৰিক্ত মোৰ হিয়া ,

কম্পিত মোৰ বুকুৰ স্পন্দন ,

তথাপিও দুৰ্বোধ্য হৈ

থাকিব চিৰ দিন মোৰ হিয়াত

বিশ্বাস , ভালপোৱা আৰু মৰম...

অলিখিত মনৰ শব্দই

স্পৰ্শ কৰিব কবিতাৰ আকাশত

ভগ্ন হৃদয়ৰ টুকুৰা কেইটা লৈ

লিখিম আধা ডজন কবিতা…

✍🏻ৰাহুল চেতিয়া

নিলখ পুৰ ধেমাজি