সংগীবিহীন - নৱজিৎ নাথ

এটি সপোনৰ চাকনৈয়াত ,
পোৱা-নোপোৱাৰ আশাত ,
হেৰুৱাৰ বেদনাত ,
বাস্তৱ জীৱনৰ  
কঠিন সময়ত ,
আজি সংগীবিহীন। 

সংগ্ৰামৰ খোজত, 
আশা-নিৰাশাৰ সুবাসত, 
দুৰ্ভগীয়া জীৱনৰ, 
কাঁইটীয়া বাটত 
আজি সংগীবিহীন।। 

হৃদয়ৰ দুৱাৰ দলিত, 
নিঃস্বাৰ্থ মৰমৰ অভাৱত,
আজি পৃথিৱীত সংগীবিহীন,
নিসংগতাৰ যে আজন্ম প্ৰেমিক।। 

নাই কাৰো সময়, 
নাই কাৰো সঁহাৰি, 
কংক্ৰীটৰ পৃথিৱীত 
সকলো নিজ স্বাৰ্থৰ দিশত , 
নিজ লক্ষ্যৰ দিশত।

✍️নৱজিৎ নাথ, , ছিপাঝাৰ, (দৰং)

Post a Comment

Previous Post Next Post