গুৰু প্ৰণামো তোমাক-শিৱানী বৰুৱা

ৰাধাকৃষ্ণণ দেৱৰ জন্ম জয়ন্তীৰ ক্ষণত,

শ্ৰদ্ধাৰ শিক্ষাগুৰু সকলক 

প্ৰণাম জনাইছো চৰণত;

পোহৰ দিশৰ সঠিক পথ পদৰ্শক তুমি

জ্বলি জ্বলি জ্ঞানৰ সুবাস দিয়া ঢালি।

আনক কৰা উদ্দীপিত,

বিলাই জ্ঞানৰ পোহৰে

সমাজক কৰা আলোকিত;

তোমাৰ পৰশতেই জীপাল হৈ উঠে 

শতজনৰ জ্ঞান পিপাসীৰ জীৱনী,

তোমাৰ জ্যোতিৰে  জ্যোতিষ্মান হৈ আজি আমি 

ন আলোক পোহৰ সন্ধানী যাত্ৰী।

জোনাকী পৰুৱা হৈ জীৱনৰ অমানিশাত,

তুমি দিয়া জ্ঞানৰ পোহৰেৰে

জিনিব পাৰো আমি অগ্নি যুগৰ বিশাল সমৰত;

চকমাটিৰ শব্দতেই লুকাই আছিল তাহানিৰ

ভৱিষ্যত গঢ়াৰ সুন্দৰ বাণী,

তোমাৰ শিক্ষাৰ পোহৰে জীৱনৰ কেনভাচত

সফলতাৰ ৰং সিঁচিম আমি;

আন্ধাৰৰ ভেটা ভাঙি পোহৰৰ বুটা বাছিম 

সেউজী ধৰা খনি আমিয়েই সঁজাই তুলিম।

অন্তৰৰ কোমল ৰঙৰ সুৱাসেৰে 

শিক্ষক দিৱসৰ অফুৰন্ত শুভেচ্ছা 

যাঁচিছো আমি শ্ৰদ্ধাৰে

যাঁচিছো আমি শ্ৰদ্ধাৰে।