ভালপোৱাৰ প্ৰতিশ্ৰুতি-লহৰজ্যোতি মৰাণ

ভালপোৱাৰ শেষ হাঁহি তুমি, 

তোমাৰ মাজতে মই বিলীন হ'ব বিচাৰোঁ , 

এয়াই মোৰ ভালপোৱাৰ প্ৰতিশ্ৰুতিৰ সংকল্প , 

তুমি কোৱা থাকিবা নে ? 

মোৰ হৈ সদায় ;

থাকিবা নে ? 

মোৰ কাষত সদায় 

জীৱনৰ ভালপোৱা ৰংবোৰ

আকৌ উপভোগ কৰিম 

নতুন ৰূপত

তুমি দিবানে সঁহাৰি ?

মই জানো এই সঁহাৰি 

অলপ পলম হ'ব ! 

কিন্তু মই নোৱাৰিম

ইমান ধৈর্য ধৰিবলৈ 

ভালপোৱাৰ প্ৰতিশ্ৰুতি মই দিছোঁ 

তুমি গ্ৰহণ কৰিব পৰা নাই , 

এয়া চাগে ভালপোৱাৰ প্ৰতি অৱমাননা 

মোৰ হৃদয়ে কেৱল 

তোমাকে বিচাৰে সদায় ! 

তুমি হয়তো জানিও

বুজিবলৈ চেষ্টা নকৰা ! 

মই দেখা ভৱিষ্যতৰ

ৰঙীণ সপোন

এতিয়া ধূলিস্যাৎ হ'ব ! 

মোৰ মনৰ ভালপোৱা কেৱল 

প্ৰতিশ্ৰুতি হৈ ৰ'ব ।

✍🏻শ্ৰী লহৰজ্যোতি মৰাণ

কাকপথাৰ (উৱন)