হেমন্তৰ হেঙুলীয়া আবেলি-ৰূপা মনি দাস

হেমন্তৰ হেঙুলীয়া আবেলি ,

তোমাৰ বুকুত সৰাপাতৰ উৰুলি

মৃদু বতাহ জাকৰ লগত এহাল গানৰ চৰাই উৰি আহি মোৰ ওঁঠত পৰে ,

পলে পলে খেদি ফুৰে মোক

তোমাৰ প্ৰেমৰ চিপাহীবোৰে

নিৰিবিলি জোনাকী গধুলি সাৰ পাই তেজ অতলত স্বপ্ন হাঁহি ,

তোমাৰ নামেৰে আৰম্ভণি মোৰ প্ৰতিতো দিন আৰু ৰাতি ,

মোৰ দুখ-সুখ,হাঁহি-কান্দোন সকলোতে তুমি ।

মোৰ টোপনিত সপোন হৈ ফুলি আছা তুমি ,

মোৰ জীৱনৰ পোহৰ বিলোৱা এগচি চাকি ,

মোৰ বিষাদত তুমি যন্ত্ৰণাৰ নীলাভ ৰাতি ,

আকন্ঠত ডুবি থাকোঁ তোমাৰ ভাৱনাত ।

মৰি মৰি জী উঠা আশাবোৰ বহি থাকে মোৰ বুকুৰ চোতালত 

তোমাৰ আকুল প্ৰতিক্ষাত ।।

✍🏻ৰূপা মনি দাস ।