শাৰদীয় এপাহি শেৱালি - নৱজিৎ নাথ

এমুঠি -দুমুঠি কৰি ,   

মালাধাৰী গাঁথিবলৈ ;   

    নিয়ৰ সনা দুৱৰীৰ মাজত , 

দলিছা পাৰিবলৈ এপাহি সুগন্ধি শেৱালি হৈ আহিবা....।।              

আহিনৰ প্ৰতিটো নিশাতে,   

এচাতি প্ৰেমৰ মলয়াৰে;    

  থুপি থুপি নিয়ৰ টোপালৰে,   

দেহ মনত প্ৰেমৰ           

সুবাস সিচিবলৈ,                

   এপাহি সুগন্ধি শেৱালি হৈ আহিবা..........।।       

 

আহিনৰ কোমল ৰদালীত,   

 এটি মিচিকিয়াই হাঁহিৰে ;

   হেঙুলীয়া ৰহন সনা আবেলিত ক্ষনত;                 

স্মৃতিৰ সুবাস দিবলৈ,     

এপাহি সুগন্ধি শেৱালি হৈ আহিবা......।।             

আলসুৱা মেঘৰ চাৱনিত, 

শুকুলা নিৰ্মল আকাশত; 

  নিয়ৰ এটোপাল পৰসৰে , 

স্মৃতিৰ প্ৰতিটো সুবাস সিঁচিবলৈ এপাহি সুগন্ধি শেৱালি হৈ আহিবা.....।।

◾নৱজিৎ নাথ, ছিপাঝাৰ, 

দৰং (অসম)