গৰ্ভ নষ্ট- আলতাব হুছেইন

কি অপৰাধ কৰিছিলোঁ মা ? 

সময়ৰ আগত ভূমিষ্ঠ কৰি

সুন্দৰ ধৰণীখনৰ মুখ নেদেখুৱাই

জাৱৰৰ দমত দিলে দলিয়াই ।

এবাৰ নিষ্পাপ মুখখনিলৈ চাই 

কাউৰী , কুকুৰৰ  মুখৰ পৰা পৰিত্ৰাণ কৰি

গেলা - পচা জাৱৰৰ দমটোৰ পৰা তুলি

কোলাত লোৱা সন্তানৰ মৰম চেনেহ দি ।

তোমাৰ দৰে মোৰো আশা আছিল মা

সৌন্দৰ্য্যৰে ভৰা

পৃথিৱীখনৰ পোহৰ দেখিবলৈ ,কিন্তু

সময়ৰ আগত কিয় নষ্ট কৰি দিলা 

মোৰ এই সোণালী ভবিষ্যতৰ আশা।

মই তোমাৰ গৰ্ভতে আছিলো

খাই , শুই আনন্দতে

ভৱিষ্যতৰ সপোনলৈ চাই 

সময়ৰ আগত কৰি ভূমিষ্ঠ 

কিয় কৰি দিছা মোৰ

সোণালী জীৱনটোক ধ্বংস ।