শ্মশান যাত্ৰা-ৰণজ্যোতি নাথ

এই যে উদিত হোৱা বেলিতো দেখিছা....

      সময়ৰ লগে লগে ইয়ো লহিয়াব।

তেজ ৰঙা আবেলিটোৰ উন্মুক্ত  

     বতাহজাকে হিয়া চুমি কৈ যাব..

             মাথো শ্মশান যাত্ৰা।

মৰহি যাব সপোন,

ভাগি যাব আশা,

নিয়তিৰ আজ্ঞ্যা পালনৰ নাথাকিব কোনো বাধা

মাথো শ্মশান যাত্ৰা।

স্মৃতিৰ মনিকোঠাতো সময় দ্ৰুত বেগী।

নিৰাশাৰ ভাবধাৰাত আবেগ অনুভূতি,

            আত্মীয়ই ক্ষন্তেক তুকিব অশ্রু ধাৰা,

শেষ হ'ব জীৱন নাট পৰিব যবনিকা ,

  মাথো মোৰ শ্মশান যাত্ৰা।