অনুভৱ-লক্ষ্য জিত চহৰীয়া

আজিও কিয় 

হৃদয়ৰ পৰা মচিব পৰা নাই

তোমাৰ ছবি....

অৱচেতন মনত বিস্তাৰিত মলিন স্মৃতিবোৰ

আজি কিয় আহি সপোনত সাৰ পাই ?

পাহৰিব খোজা বিষবোৰ

আকৌ উক্ দি 

কিয় অস্থিৰতা কঢ়িয়াই আনি

বর্তমানত খলকনি তোলে ?

কাৰোবাৰ ভালপাবলৈ ধৰা 

অনুভৱ খিনিৰ দৰে ধুনীয়া আৰু

জীৱনত দ্বিতীয় একো নাথাকে ,

সেই অনুভৱবোৰক

অতীতৰ ভুল বুলিব লগা হ'লে

কষ্ট হয় ভিতৰছোৱাত 

ক'ব নোৱাৰাকৈ ।

 ‌‌            ✍️লক্ষ্য জিত চহৰীয়া    

                মৰিগাঁও, অসম