আপুনি ক'ত আছে ময়ো নাজানো-অনিৰ্বাণ দত্ত

মই ক’ত ৰৈ আছোঁ নাজানো

মই কাৰ বাবে ৰৈ আছোঁ নাজানো

মই কি কাৰণে ৰৈ আছোঁ নাজানো

মই কি পাবলৈ বা কি দিবলৈ ৰৈ আছোঁ

তাকো নাজানো ৷

মই কেনেকৈ আছোঁ 

আপুনি দেখা নাই

মই কি ভাবি আছোঁ 

আপুনি বুজা নাই

মই বুকুত কিমান গধুৰ বোজা লৈ

কিমান গভীৰতাত ডুবি পৰিছোঁ আপুনি

তাকো জনা নাই ৷

আপোনাৰ পৰা মোৰ দূৰত্ব কিমান

বা মোৰ পৰা আপোনাৰ..

মই নাজানো ৷

আপুনিও নাজানে 

জনাৰ পথবোৰ আমি দুয়োজনেই বন্ধ কৰি পেলাইছো ৷

আমি এই জন অৰণ্যৰ বিচ্ছিন্ন প্ৰাণী

ঘূৰ্মুটিয়াই ফুৰিছোঁ 

খুন্দা-খুন্দলি খাই উফৰি পৰিছোঁ বা

জোঁটপোট লাগি বান্ধ খাই পৰিছোঁ ৷

পোহৰ আৰু বতাহৰ বাটবোৰ বন্ধ কৰি দি 

অন্ধকাৰ অটল গহ্বৰত 

কিৰিলি পাৰি নাচিছোঁ ৷

আৰু নাচি আছোঁ ৷

✍🏻অনিৰ্বাণ দত্ত ৷

হাৱাজান উচ্চতৰ মাধ্যমিক বিদ্যালয় ৷